Luciano Somma nasce a Napoli il 18 marzo 1940 e comincia, già da giovanissimo, a scrivere poesie, per le quali ha ottenuto, lungo l’arco della vita, numerosissimi premi. Alcune sue poesie sono state dedicate al Natale e, in occasione della festività ormai prossima, riportiamo 24 dicembre, tipico ritratto di una tradizionale famiglia napoletana alle prese col cenone natalizio. Il poeta riesce a fotografare immagini quotidiane in cui racchiude tutti gli elementi che contraddistinguono la vigilia di Natale: il capitone, lo zampognaro, il presepe e la campana della chiesa che, allo scoccare della mezzanotte, comincia a suonare per ricordare la nascita del bambino Gesù. Colpisce, in particolare, l’assenza, in questi pochi versi, del lato consumistico che, invece, nella società attuale, è diventato l’aspetto predominante della festa religiosa, la quale, per l’appunto, di religioso non ha quasi più niente, nè tantomeno di poetico e sentimentale.
24 dicembre.
E’ nu ricamo ‘o suono ‘e na zampogna
ca vene ‘a miez’’a via,fredda e sulagna,
e dint’a chesta casa chiena ‘e luce,
quanti ccose se stanno appriparanno.
Nannina sta facenno ‘e zeppullelle
‘e cavule e ricotta mentre ‘o nonno
smiccéa scapuzzianno ‘ncopp’’a seggia
‘o nennillo ca ‘o tira p’’o cazone.
Mammema sta taglianno ‘o capitone.
Papa’ sbarianno attuorno a stu presebbio,
smanea pa’ fa’ appiccia’ na lampadina
senza addunarse ca s’e’ fulminata.
E pe’ tramente ‘o viento tuppettea
‘nfaccia ‘e llastre,io sento dint’’o core
nu tremmulio,nu spànteco,na freva,
n’arteteca me frezzechèa ‘int’’e vvene.
E sfrenneséo,guardanno chistu vico,
me pare d’’o vedè ammantato ‘e janco
isso,ch’e’ stato sempe puvieriello,
all’uocchie mieie mo pare nu rignante.
‘A campana d’’a chiesia d’’a Cuncordia
mo gia’ se fa’ senti’,sunanno a ffesta,
manca nu quarto d’ora a mezanotte,
sorema guarda fore a’ na fenesta…
<‘O pranzo e’ pronto> -Nanninella allucca
v’arraccumanno stu giarrone ‘e vino
si non po’ doppo cca’ se fa ‘a cummeddia;
pircio’ cercammo ‘e nun ce ‘ntusseca’.
Ninno mo dorme ‘mbraccio a mammarella
dint’’a stanza tutto e’ silenzio attuorno,
io guardo chesta scena,comm’e’ bella!
Sta pace ‘int’’a famiglia comm’e’ doce!
Ma ‘o nonno rompe stu silenzio ‘e ggelo
e’ ‘o cchiu’ abbasato e dice cose sante:
<E’ nato ‘o figlio ‘e Ddio, Nostro Signore!>
…E ce facimme ‘a croce tutte quante.